ALIYOSEMA KAIMU MKURUGENZI WA TAKWIMU ZA JAMII NA SENSA YA WATU KUTOKA OFISI YA TAIFA YA TAKWIMU (NBS) BI. RUTH MINJA WAKATI WA KUTANGAZA MFUMUKO WA BEI WA TAIFA KWA MWEZI SEPTEMBA 2019 LEO OKTOBA 8, 2019, JIJINI DODOMA

Mfumuko wa Bei  wa Taifa kwa mwezi septemba, 2019 umepungua  hadi asilimia 3.4 kutoka asilimia 3.6 kwa mwaka ulioishia mwezi Agosti, 2019

Kushuka kwa mfumuko wa bei kunatokana na kupungua kwa bei za bidhaa zisizo za vyakula kwa kipindi cha mwezi Septemba 2019 ikilinganishwa na bei za kipindi cha  Septemba,2018.

Baadhi ya Bidhaa zilizopungua bei kwa mwezi Septemba ni mafuta ya taa asilimia 1.0,Petroli asilimia 3.3 ,majiko ya gesi asilimia 1.5, dawa za kuulia wadudu nyumbani asilimia 2.2 na mafuta ya nywele asilimia 1.3

Mfumuko wa Bei wa bidhaa za Vyakula na Vinywaji Baridi kwa mwaka ulioishia mwezi Septemba, 2019 umeongezeka hadi asilimia 4.0 kutoka asilimia 3.7 kwa mwaka ulioishia mwezi Agosti, 2019.

Mfumuko wa Bei nchini Kenya  kwa mwezi Septemba umepungua hadi asilimia 3.83 kutoka 5.00 kwa mwaka ulioishia mwezi Agosti, 2019.

Nchini Uganda, Mfumuko wa Bei kwa mwaka unaoishia mwezi Septemba umepungua hadi asilimia 1.9 kutoka asilimia 2.1 kwa mwaka unaoishia mwezi Agosti, 2019.

Imeandaliwa na Idara ya Habari - MAELEZO