JPM AMSHTUKIZA DIAMOND PLATINUMZ KWA SIMU AKIWA JUKWAANI KIGOMA !

 Na Mwandishi Maalum, Kigoma



Diamond Platinumz akiongea kwa simu na Rais Dkt John Magufuli wakati alipompigia kwa kushtukiza  akiwa katika onesho lake la miaka 10 lililofanyika kwenye uwanja wa Tanganyika mjini Kigoma kushoto ni Humphrey Polepole Katibu wa Itikadi na Uenezi CCM Taifa na kulia ni Babu Tale Meneja wake.

Msanii wa muziki wa kizazi kipya hapa nchini Naseeb Abdul maarufu Diamond Platinumz usiku wa kuamkia leo alikuwa akitumbuiza kwenye Uwanja wa Lake Tanganyika mjini Kigoma kusherekea miaka 10 tangu aanze muziki wa Bongo Fleva.

Akiwa jukwaani Diamond Platnumz aliletewa simu na Humphrey Polepole Katibu wa Itikadi na Uenezi Taifa CCM iliyopigwa na Rais wa Jamhuri ya Muungano wa Tanzania Mh. Dkt John Pombe Magufuli ili kuzungumza naye, Rais Magufuli alimpongeza Diamond  kwa jitihada zake anazofanya katika sanaa katika kulitangaza Taifa kwa ujumla na kusaidia vijana wenzake. 

Rais Magufuli alianza kwa kumpongeza Diamond nakusema wewe ni mwanaume unafanya kazi nzuri na mimi nakupenda sana na natambua kazi yako nzuri unayoifanya.

Kupitia simu hiyo Rais Magufuli aliuambia umati mkubwa uliokuwa umekusanyika katika tamasha hilo  kwamba atahakikisha barabara ya Kigoma Mpaka Nyakanazi inakamilika kwa kiwango cha lami katika maeneo ambayo bado hayajakamilika ili wananchi wa Kigoma wasafiri bila usumbufu.

Naye Diamond hakuchelewa kutupa ombi lake akimtaka Rais kuwasaidia Wasanii wa Tanzania.

“Asante sana nimekusikia,” alisema Rais Magufuli. “Lakini nakupongeza sana kwa kuzidi kuitangaza Tanzania katika masuala ya muziki na nawapongeza wanamuziki wote hata wale wanaoigiza nawapenda sana asanteni jamani.” Rais alikamilisha mazungumzo yake na Diamond.