NAIBU WAZIRI NDITIYE ATEMBELEA TRL KUFAHAMU CHANGAMOTO ZAKE!

Naibu Waziri wa Uchukuzi na Mawasiliano Mhandisi Atashasta Nditiye aendelea na ziara ya kujitambulisha katika Taasisi zilizo chini ya Sekta anayoliongoza leo Jumatano Oktoba 25, 2017 alipiga hodi Makao Makuu ya Kampuni ya Reli (TRL) jiini Dar es Salaam na kupokelewa na Mtendaji Mkuu Nd Masanja Kadogosa ambaye alimwongoza hadi chumba cha mkutano. Katika chumba cha Mkutano Mtendaji Mkuu wa TRL alitambulisha Maafisa waandamizi wa TRL waliokuwepo ukumbini.

Kaimu Mkurugenzi Mtendaji wa Uendeshaji Nd Focus Makoye Sahani alitoa taarifa ya uendeshaji wa huduma za reli ikiwemo ya jijini Dar na zile za abiria kwenda Bara na pia usafirishaji shehena kwenda bara na nchi jirani. Waandishi wa Habari ambao walikuwa wamefurika katika ziara hiyo, baadhi ya maswali yao yalihusu zoezi la bomoa bomoa kwa wananchi waliovamia maeneo ya njia ya reli. Naibu Waziri aliungana na Mtendaji Mkuu wa TRL kwa kupigilia msumari kwa kusema kuwa maeneo ya reli yaliovamiwa ni ya Serikali na kwamba kama mwananchi ameendeleza maeneo hayo ambayo sio halali, sheria imetamka wazi kuwa kutojua sheria sio utetezi wa mhusika kutoadhibiwa. Hivyo ametoa wito kwa wananchi kuwacha wazi maeneo yalioainishwa kisheria kuwa ni ya reli na barabara ili kuepuka usumbufu usiokuwa wa lazima endapo mtu atasubiri hadi akumbwe na zoezi la bomoabomoa!........Habari zaidi katika picha!